जहाँ मान्छे मरेपछि अन्तिम संस्कारकाे सट्टा गिद्धलार्इ खुवाइन्छ

   

 

Sponsored by Revcontent

एजेन्सी । कुनै व्यक्तिको मृत्यु पछि उसको शवलाई के गरिन्छ ?सहजै उत्तर आउँछ जलाएर नष्ट गरिन्छ, जमिनमा गहिरो खाल्डो खनेर व्यवस्थित तरिकाले श्रद्धपूर्वक सम्मान गरिन्छ अथवा व्यवस्थित तरिकाले उस्को अन्तिम संस्कार गरिन्छ ।

तर, विश्वमा यस्ता परम्परा पनि छ, जहाँ मानिसको मृत्युपछि उसको आत्माको शान्तिको प्रार्थना गर्दै शवलाई गिद्धलाई खान दिइन्छ । यो कुनै झुट र कथा होइन ।यो संस्कार मान्ने समुदायमा मृत्युपछि उसको शव गिद्धलाई खुवाए उ गिद्ध जस्तै उडेर स्वर्गमा जाने विश्वास छ ।

तिब्बतमा हजारौं वर्षदेखि चल्दै आएको यो परम्पराको नाम हो, नियिंगमा परम्परा (स्काई बुरियल) । तिब्बतमा रहेको यो परम्परा विशेषगरी बौद्ध समुदायले मान्छन् ।हुनत नेपालकै डोल्पामा केही समुदायले पनि मृत्युपछि यसरी नै गिद्धलाई शव टुक्रा टुक्रा पारेर खुवाउँछन् ।

- See more at: http://purbelinews.com/71413#undefined.gbpl

2 साल के बच्चे ने अलमारी के नीचे दबे जुड़वां भाई को ऐसे बचाया, आप हो जाएंगे हैरान

Viral Video: 2 साल के बच्चे की बहादुरी...

खास बातें

1. 2 साल का बच्चा पूरी ताकत लगाकर अपने भाई को बचाता है
2. सुनने में यह थोड़ा मुश्किल लगता है लेकिन वीडियो देखकर हो जाएंगे हैरान
3. सोशल मीडिया पर यह वीडियो हो रहा है वायरल

नई दिल्ली: अमेरिका के उटाह में एक दो साल के बच्चे ने अपने जुड़वां भाई को बचाया. दरअसल, खेलते-खेलते अलमारी बच्चे एक ऊपर गिर गई थी. बच्चे का पूरा शरीर इसमें फंस गया था. 2 साल के बच्चे से इस तरह समझदारी और दिलेरी की उम्मीद करना मुश्किल लगता है, लेकिन ऐसा हुआ है.

वीडियो में दिख रहा है कि कैसे दोनों बच्चे अलमारी की खुली ड्रॉर पर चढ़ने की कोशिश कर रहे हैं कि तभी यह पूरी तरह से दोनों बच्चों पर पलट जाती है, जिसमें एक अपने पैरों को खींचते हुए बाहर निकल जाता है, लेकिन दूसरा बच्चा फंसा रह जाता है और लगातार रोता रहता है.

दूसरा बच्चा लगातार भारी टेबल को हटाने का रास्ता खोजता दिखता है. वह अकेला होता है और अपने दर्द से कराहते भाई को मदद देने की कोशिश करता है. थोड़ी देर तक उसे कामयाबी नहीं मिलती, लेकिन बाद में वह पूरी ताकत लगाकर धीरे-धीरे ड्रेसिंग टेबल को खिसकाकर अपने भाई को बाहर निकालता है. कितनी कम उम्र के बच्चे से ऐसे समझदारी भरे व्यवहार की उम्मीद नहीं कर पाते हैं.

बच्चों की मां कायली शॉफ ने एक टीवी से कहा कि उन्होंने अलमारी के गिरने की कोई आवाज नहीं सुनी. उन्होंने पूरी घटना को बाद में वीडियो में देखा.

बच्चे के पिता ने रविवार को फेसबुक पर इसका वीडियो लिंक शेयर किया है. उन्होंने लिखा है कि उनका बेटा ठीकठाक है.पिता ने फर्नीचर से होने वाली दुर्घटनाओं को लेकर लोगों को जागरूक किया है.

सोशल मीडिया में यह वीडियो काफी वायरल हो रहा है. वीडियो की शुरुआत में देखनेवालों का दिल दहल जाता है, लेकिन जैसे ही बच्चा सुरक्षित बाहर निकल जाता है तो सब राहत की सांस लेते हैं.
.. 

योगेश भट्टराईले प्रधानमन्त्रीलाई सुझाव दिँदै भने, ‘बेल्खुको पुलमा रातो बत्ती बलेको छ, यात्रा नगर्नुहोला’

तस्विर ;- कृष्ण प्रसाद खनाल / इटहरी 

२२ पुस । नेकपा (एमाले) का सचिव एवं प्रचार विभाग प्रमुख योगेश भट्टराईले सर्वोच्च अदालतले संविधान संशोधन प्रस्तावका विषयमा गरेको फैसला संवैधानिक हिसाबले सही निर्णय भएको बताएका छन् । उनले भनेका छन्, ‘राजनीतिक हिसाबमा भन्ने हो भने राजनीतिक दलहरुबीच हुन आँटेको द्वन्द्व र भिडन्तलाई सर्वोच्चको फैसलाले रोकेको छ,’ उनले भने, ‘युद्धको परिभाषाबाट भन्ने हो भने युद्धविरामको अवस्था सिर्जना भएको छ र सबैले एक पटक सोच्नु पर्ने अवस्था आएको छ ।’

भट्टराईले एमालेले संवैधानिक रुपमा उठाएको कुरालाई सही सावित गरेको पनि दाबी गरे । उनले एमालेले पटक–पटक धारा २७४ लाई गलत भन्दै आएको र त्यसलाई पुष्टि गरेको पनि दाबी गरे । उनले बुद्धिजीविहरुले पनि त्यही भनेको स्मरण गराए ।

उनले एमालेले सीमांकनबाहेक अरु विषयमा छलफल गर्न तयार रहेको भन्दै असंवैधानिक कदमलाई संसद्मा टेबुल गर्न नै नदिएको दाबी गरे । ‘हामीले पछिल्ला दिनमा गोर्खाली भाषामा भन्दै आएका थियौँ । हामीले सीमांकन बाहेकका कुरा व्यवस्थापिका संसदमा लिएर आउनुहोस् भनेका थियौं,’ उनले भने, ‘एमाले विकल्प बिना अघि बढ्दैन । एमाले निकै अनुभव सँगालेको पार्टी हो । यो पार्टी तीन–तीन जना पूर्वप्रधानमन्त्री भएको पार्टी हो । त्यसैले एमालेले कच्चा खेल खेल्दैन ।’

उनले सीमांकनको कुरा असंवैधानिक छ भनेर एमालेले व्यवस्थापिका संसद्मा जान नदिएको पुनः स्मरण गराउँदै भने– ‘सर्वोच्चले बकाइदा यो प्रस्तावलाई संवैधानिक होइन भनेको छ । त्यसैले सभामुखले पनि सरकारलाई भन्न सक्नुपर्छ, यो संवैधानिक होइन फिर्ता लेऊ ।’

उनले काठमाडौँबाट नारायणघाटको यात्रा गर्दा बेल्खुको पुल भत्किएको छ भने यात्रा नगर्दा नै राम्रो हुने भन्दै सरकारलाई रातो बत्ती बलेको बेला पुल क्रस नगर्न आग्रहसमेत गरे । ‘रातो बत्ती बलेको छ,’ उनले भने, ‘पुलको मुखमा बस्नुहोस्, हरियो बत्ती बलेपछि जानुहोला ।’

उनले पार्टी अध्यक्ष केपी शर्मा ओलीको भन्दा पनि प्रधानमन्त्री प्रचण्डको बढी चिन्ता लागेको पनि बताए । ‘उहाँ अहिले देशको प्रधानमन्त्री हुनुहुन्छ । उहाँले देश खत्तम बनाउनुभयो भने बर्बाद नै हुन्छ । त्यसैले मलाई मेरो पार्टी अध्यक्षको भन्दा उहाँको चिन्ता लागेको छ ।’

उनले संसद् चल्ने र नचल्ने एमालेको हातमा नभएको भन्दै सरकारले अदालतको फैसलालाई कसरी सम्मान गर्छ त्यसमा भर पर्ने बताए । ‘उहाँहरुले हाम्रो मागलाई कसरी सम्बोधन गर्नुहुन्छ, त्यसमा भर पर्छ,’ उनले भने, ‘प्र्रधानमन्त्रीले अदालतको फैसलाप्रति चित्त बुझाउनुभएको छैन । उहाँलाई सर्वोच्चको फैसलाले हत्कडी लगाएको छ । उहाँ कसरी बढ्नुहुन्छ, त्यसैमा भर पर्छ ।’

ओलीको सडकबाटै प्रश्न– ‘संविधानका पाना काट्नेहरुलाई अहिले किन संविधान संशोधन चाहियो ?

तस्विर ;;  कृष्णप्रसाद  खनाल 

 

२२ पुस । नेकपा एमाले अध्यक्ष केपी शर्मा ओलीले ०७४ माघ ७ गतेसम्म संविधान कार्यान्वयन नभए संवैधानिक संकट आउने भन्दै सरकारलाई समयावधी भित्रै संविधान कार्यान्वयन गर्ने वातावरण निर्माण गर्न सुझाव दिएका छन् ।

सरकारलाई संविधान संशोधन विधेयक फिर्ता लिन र तत्काल निर्वाचनको मिति घोषणा गर्न दबाब दिने उद्देश्य नेकपा (एमाले) सहित व्यवस्थापिका–संसद्मा प्रतिनिधित्व गर्ने नौ राजनीतिक दलले बृहद् जनप्रदर्शनमा यस्तो सुझाव दिएका हुन् ।

ओलीले कुनै समय संविधानका पानाहरु काट्नेहरु नै अहिले संविधान संशोधन गर्नु पर्ने भन्दै आएको भन्दै त्यहाँ गम्भीर षडयन्त्र लुकेको आरोप लगाए । उनले संविधान संशोधनका नाममा राष्ट्रियतालाई आघात पार्ने काम भैरहेको पनि उनले जिकिर गरे ।

‘अहिले तासको पत्ती खेलाए जसरी संशोधनका नाममा राष्ट्रियतालाई आघात पार्ने काम भैरहेको छ,’ उनले भने, ‘हामी त्यसलाई असफल बनाउँछौँ ।’

एमाले रहेसम्म देशलाई विखण्डन हुन दिदैँनौः उपाध्यक्ष गौतम

२१ पुस । नेकपा (एमाले) का वरिष्ठ उपाध्यक्ष वामदेव गौतमले एमाले जीवित रहँदासम्म देशलाई विखण्डन हुन नदिने बताएका छन् । नेकपा (एमाले) सहित ९ राजनीतिक दलले भोलि राजधानीमा गर्न लागेको बृहत जनप्रदर्शनको तयारी तीब्र भइरहेकै बेला बिहीबार बिहान एमाले केन्द्रीय कार्यालयमा स्वयम्सेवकका लागि निर्देशन क्रममा उपाध्यक्ष गौतमले उक्त कुरा बताएका हुन् ।

कार्यक्रममा उपाध्यक्ष गौतमले अनुशासित र चनाखो भएर काम गर्न स्वयम्सेवकहरूलाई निर्देशनसमेत दिएका थिए । अभद्र तथा उच्छृंखल गतिविधिहरूमाथि निगरानी गर्दै जनप्रदर्शनलाई भव्य र सानदार ढंगले सम्पन्न गर्न पनि गौतमले निर्देशन दिएका थिए । उनले जातीय तथा साम्प्रदायिक सद्भाव बिथोल्नेहरूलाई सफल हुन नदिने उद्घोष पनि गरे ।

यसै क्रममा एमाले प्रचार विभाग प्रमुख योगेश भट्टराईले बिहीबार एक विज्ञप्ति जारी गर्दै भोलिको प्रदर्शनलाई भव्य बनाउन तीव्र तयारी भएको उल्लेख गरेका छन् । भोलिको जनप्रदर्शनलाई व्यवस्थित गर्न एमालेको नेतृत्वमा पाँच सय स्वयम्सेवक परिचालन गरिने भएको छ । भोलिको जनप्रदर्शनको प्रचार–प्रसारका लागि पुस २१ गते अपरान्ह ३ बजे प्रदर्शनीमार्ग काठमाडौंबाट मोटरसाइकल ¥याली आयोजना गरिएको छ । उक्त स्थानबाट सुरु भएर भद्रकाली, सहिदगेट, त्रिपुरेश्वर, कुपण्डोल, पुल्चोक, जाउलाखेल, लगनखेल, सातदोबाटो, कोटेश्वर, सिनामंगल, बत्तीसपुतली, डिल्लीबजार, बागबजार हुँदै रत्नपार्कमा पुगेर मोटरसाइकल ¥याली समापन हुनेछ ।

भोलि पुस २२ गतेको जनप्रदर्शन अपरान्ह १ बजे रत्नपार्कबाट सुरु हुने जनाइएको छ । त्यसभन्दा अघि विभिन्न ४० स्थानबाट जुलुसहरू रत्नपार्क आउनेछन् । एकीकृत जुलुस रत्नपार्कबाट पुरानो बसपार्क, भद्रकाली, सहिदगेट, न्यूरोड गेट, भोटाहिटी, रत्नपार्क, बागबजार, पुतलीसडक हुँदै प्रदर्शनीमार्गमा सभामा परिणत हुनेछ । सो सभालाई ९ राजनीतिक दलका प्रमुख नेताहरूले सम्बोधन गर्ने कार्यक्रम रहेको छ ।

पुस २२ गतेको जनप्रदर्शन र त्यसअघि हुने मोटरसाइकल ¥यालीलगायतका प्रचार–प्रसारका कामहरूले आम सर्वसाधारणको आवतजावतमा कठिनाई नहोस् भन्ने कुरामा आयोजक पार्टीहरू सचेत रहेको सचिव भट्टराईद्वारा जारी विज्ञप्तिमा उल्लेख छ ।

विज्ञप्तिमा भनिएको छ, ‘असंवैधानिक, राष्ट्र र जनविरोधी, सामाजिक सद्भाव र एकताविरुद्ध प्रस्तुत गरिएको संविधान संशोधन प्रस्तावलाई असफल पार्दै नेपाल राष्ट्र र नेपाली जनताको भविष्यलाई सुनिश्चित गर्ने ध्येयले आयोजना गरिएको भोलि पुस २२ गतेको जनप्रदर्शनमा सहभागी भई नेपाली जनताको सुदृढ एकता प्रदर्शनमा आम जनसमुदायमा अपिल गर्दछौं ।’

Nepal

Country in South Asia

Nepal, officially the Federal Democratic Republic of Nepal, is a landlocked country in South Asia with a population of 26.4 million. It is a multiethnic nation with Nepali as the official language. Kathmandu is the nation's capital and largest city. Wikipedia

Capital: Kathmandu

Dialing code: +977

Prime minister: Pushpa Kamal Dahal

Currency: Nepalese rupee

President: Bidhya Devi Bhandari

रंगकर्मी विष्णुभक्त फुयाँलको पार्थिव शरीर अन्तिम श्रद्धाञ्जलीका लागि प्रज्ञाभवन 

बुधबार, २० पुष २०७३ ;; कृष्ण प्रसाद खनाल 

काठमाडौं, पुस २० । रंगकर्मी एवं कलाकार विष्णुभक्त फुयाँलको मंलबार निधन भएको छ । उनको संस्कृतिविद् सत्यमोहन जोशीद्वारा लिखित र बद्री अधिकारीले निर्देशन गरेको नाटक ‘महर्षि याज्ञबल्क्य’ मा नाचघरमा अभिनयकै क्रममा निधन भएको हो ।

नाटकमा राजा जनकको भूमिकामा अभिनय गर्दैगर्दा हृदयघात भएपछि विरअस्पताल पुर्याइएका उनलाई ६ बजे चिकित्सकहरुले मृत घोषणा गरेका थिए ।

अन्तिम श्रद्धाञ्जलीका लागि उनको पार्थिव शरीरलाई अहिले प्रज्ञा भवन कमलादीमा राखिएको छ । उनलाई अन्तिम श्रद्धाञ्जली दिनका लागि वरिष्ठ कलाकर्मी, राजनीतिज्ञ, पत्रकार, आफन्त तथा शुभचिन्तकको घुइाचो लागेको छ ।

उनले तीतो सत्य, मधुमालती, इन्द्रावती लगायत दर्जनौं टेलिफिल्म र चलचित्रहरुमा अभिनय गरेका छन् । टेलिचलचित्र तीतो सत्यमा ‘योर माई लभ बा’ का रुपमा निकै चर्चित थिए ।

उनको जन्म १९९४ साल भदौ २३ गते भक्तपुरमा भएको थियो । उनका तीन छोरा रहेका छन् ।

बिजुली उत्पादन २५ प्रतिशत बढ्यो, पोखरा लोडसेडिङमुक्त

मंगलाबार , १९  पुष २०७३, १० : ४५ |  

facebookTwitterGoogle+

पोखराको रात्रीकालीन दृश्य।  तस्विर ;कृष्णप्रसाद  खनाल 

काठमाडौं—सञ्चालनमा रहेका आयोजनाबाटै २५ प्रतिशत बिजुली उत्पादन बढेको नेपाल विद्युत प्राधिकरणले जनाएको छ। आयोजनाबाट उत्पादित बिजुली अधिकतम उपयोग गर्न सकेका कारण लोडसेडिङ कम गर्न सकिएको प्राधिकरणको भनाइ छ।

आयोजनाबाट उत्पादित बिजुलीको उचित व्यवस्थापन गरेकै कारण काठमाडौं उपत्यकाको लोडसेडिङ अन्त्य भएको प्राधिकरणका कार्यकारी निर्देशक कुलमान घिसिङले बताए । ‘विद्युत आयोजनाबाट उत्पादन हुन सक्नेसम्मको बिजुली उत्पादन गरेका छौं,’ उनले भने, ‘उपत्यकाबाहिर पोखरामा पनि लोडसेडिङ हटाउन सफल भएका छौं ।’

 

‘विद्युत छैन भनेर सानातिना काममा मात्रै अल्झन छोड्नुस,’ उनले भने, अब ठूला उद्योग ल्याउने तयारी गर्नुस, यो वर्ष नै नसके पनि अर्को वर्षदेखि तपाईंहरुले मागेजति बिजुली दिन सकिन्छ, त्यसको तयारीमा लाग्नुस्।’

नेपाल उद्योग वाणिज्य महासंघले मंगलबार आयोजना गरेको अन्तक्र्रिया कार्यक्रममा प्राधिकरणका कार्यकारी निर्देशक घिसिङले यस्तो बताएका हुन् ।

भारतबाट आएको थप ४० मेगावाटले पूर्वाञ्चलमा पनि बढी बिजुली खपत हुने समय (पिक आवर) मा लोडसेडिङ हटाउन सफल भएको उनले बताए। ‘देशभरबाट लोडसेडिङ सधैको लागि अन्त्य गर्न योजनामा छौं,’ उनले भने, ‘कुशलतापूर्वक व्यवस्थापन गरेकै कारण लोडसेडिङ घटाउन सफल भएका हौं ।’

देशभरबाट सधैंको लागि लोडसेडिङ अन्त्य गर्न आपूर्ति प्रणाली चुस्त बनाउनुपर्ने आवश्यकता देखिएकोले १० हजार नयाँ ट्रान्सफरमर थप्ने योजना अगाडि बढाइएको उनले जानकारी दिए । हाल प्राधिकरणसँग २३ हजार ट्रान्सफरमर छन् ।

‘अबको चुनौती भनेको बिजुलीको माग बढाउनु हो,’ उनले भने ‘ट्रान्सफरमर नथपी माग बढाउन सकिदैन, यसैले ट्रान्सफरमर थप्ने योजना बनाएका छौं,’ काठमाडौं उपत्यकाको विद्युत माग २ हजार मेगावाट बनाउन आफू लागिपरेको उनको भनाइ छ । अहिले उपत्यकाको दैनिक माग ३०० मेगावाट हाराहारी छ ।

उद्योगधन्दा बढाउनुपर्ने भएकोले नेपालमा जति पनि बिजुली खपत हुने भन्दै उनले ढुक्क भएर उत्पादन वृद्धिमा लाग्न उत्पादकलाई आग्रह पनि गरे। ऊर्जामन्त्री जनार्दन शर्माले विद्युत अभाव छ भन्ने चिन्ता मनमा बोकेर सानोतिनो काममा मात्रै लाग्ने बानी त्याग्न उद्योगी व्यवसायीलाई आग्रह गरे।

‘विद्युत छैन भनेर सानातिना काममा मात्रै अल्झन छोड्नुस,’ उनले भने, अब ठूला उद्योग ल्याउने तयारी गर्नुस, यो वर्ष नै नसके पनि अर्को वर्षदेखि तपाईंहरुले मागेजति बिजुली दिन सकिन्छ, त्यसको तयारीमा लाग्नुस्।’

तत्काल केही बिजुली दिन सक्ने र अर्को वर्षदेखि उद्योगले मागे जति दिने पनि उनले जानकारी दिए । अहिले पनि उद्योगलाई चाहिने जति बिजुली दिन सकिने तर अहिले अर्को देशबाट किनेर दिनुपर्ने तथा आगामी वर्षदेखि स्वदेशी उत्पादनबाटै माग अनुसारको बिजुली दिन सकिने उनले प्रस्ट पारे।

यस्तै निजी विद्युत उत्पादकसँग ३ हजार मेगावाट बिजुली खरिदको सम्झौता (पिपिए) भइसकेको जानकारी दिँदै उनले त्यस्ता उत्पादकलाई थप सुविधा र सहुलियत दिएर चाँडो उत्पादन गरिसक्न प्रोत्साहित गरिने बताए।

जलाशययुक्त र अत्याधिक माग हुने समय (पिकिङ आवर) मा विद्युत उत्पादन गर्ने उत्पादकसँग नयाँ दरमा विद्युत खरिद सम्झौता (पिपिए) गर्ने पनि मन्त्री शर्माले जानकारी दिए।

यस्तै निजी क्षेत्रका जलविद्युत उत्पादकलाई प्रतिमेगावाट ५० लाख रुपैयाँसम्मको भ्याट फिर्ता दिने निर्णय आफूले गरिसकेको भन्दै उनले ‘पोस्टेड रेट’ दिने सम्बन्धमा पनि निर्णय भइसकेको बताए। ‘मैले तपाईंहरुको पक्षमा धमाधम निर्णय गरेको छु, त्यसको प्रतिफल तपाईंहरुले प्राप्त गरिनसकेको पनि हुन सक्छ,’ उनले भने, ‘मैले गरेका निर्णयको बोधार्थ चाहिन्छ भने दिन तयार छु ।’

अहिले लोडसेडिङ अन्त्य हुनुको पछाडि प्राधिकरणका कार्यकारी निर्देशक घिसिङ र आफ्नो व्यक्तिगत मेहनत बढी परेको मन्त्री शर्माले दाबी गरे ।

नेपाल उद्योग वाणिज्य महासंघका अध्यक्ष पशुपति मुरारकाले गत वर्ष १०–१२ घन्टा लोडसेडिङ हुने गरेकोमा अहिले त्यो घटेर ४ घन्टामा सीमित भएको बताए। ‘ऊर्जामन्त्री र प्राधिकरणका एमडीले चमत्कार गरे,’ उनले भने, ‘यस्तो कार्यले सबैमा उत्साह थपेको छ।’

महासंघको ऊर्जा समितिका सभापति ज्ञानेन्द्रलाल प्रधानले ४५६ मेगावाट क्षमताको तामाकोसी आयोजनाबाट विद्युत उत्पादन भएपछि वर्षामा बढी हुने बताए। ‘तामाकोसी आयोजनाबाट विद्युत आएपछि खेर जाने सम्भावना छ,’ उनले भने, ‘खेर जाने बिजुलीको व्यवस्थापन गर्नुपर्छ।’

थप.जानकारी को लागि।   KRISHNADSTUDIO.BLOGSPOT.COM मा  हेर्नुस् 

फुरुरु हिउँ पर्‍यो तेह्रथुम लेकैमा

- कृष्णप्रसाद खनाल 

तेह्रथुमको चित्रे देखी नुनथला खण्डमा मंगलबार अपरान्हदेखि परेको हिउँ र हिउँमा फसेका सवारी ।तस्बिर : कृष्णप्रसाद  खनाल ;इटहरी 

पुस १९, २०७३- तेह्रथुमको माथिल्लो क्षेत्रमा आज अपरान्हदेखि हिमपात सुरु भएको छ । वर्षासँगै हिमपात सुरु भएपछि माथिल्लो क्षेत्रको जनजीवन प्रभावित भएको छ । 

जिल्लाको पर्यटकीय क्षेत्र चित्रे, नुनथला, पटेकडाँडा, तीनजुरे, मंगलबारे, गुफा, मिल्के लगायतका क्षेत्रमा अहिले हिउँ परीरहेको छ । संखुवासभाको चौकी बजारमा पनि बाक्लो हिउँ परीरहेको स्थानीय उदय कुमार तामाङले बताए ।
 
बजारसहित आसपासका लेकाली वस्तीमा पानी सँगै बाक्लो हिउँ परीरहेकाले स्थानीयहरु घर बाहिर निस्कन सकेका छैनन् । तीनजुरे मिल्के जलजले क्षेत्रमा पनि बाक्लो हिउँ परीरहेको छ । एक्कासी हिउँ परेकाले लेकाली क्षेत्रका जंगलमा रहेका चौंरी तथा भेडी गोठहरु औल क्षेत्रमा झार्न नपाएको नुनढाकीका लाक्पा तामाङले बताए । 

कोशी राजमार्गको सिधुवादेखि चित्रेसम्मको सडकमा बाक्लो हिउँ जमेकाले सवारी आवागमन अवरुद्ध भएको जिल्ला ट्राफिक प्रमुख भिम कटुवालले बताए । हिउँमा सवारी चिप्लीने भएकाले होसीयारी पूर्वक सवारी चलाउन चालकलाई ट्राफिक प्रहरीले सुझाव दिईरहेको छ । सडकमा हिउँ जमेपछि पूर्वी तराईदेखि आएका सवारी साधनबिच बाटैमा रोकीएका छन् । 

http://bit.ly/2iyuGHF

त्रिपालमुनि विद्यार्थी

• सातवटा बेन्चमा आठ कक्षासम्मका विद्यार्थी कोचिएका छन्, बाँसले बनाइएका अस्थायी केन्द्रमा सिरेटो पसेर बसिसाध्य हुँदैन

- कृष्णप्रसाद  खनाल , इटहरी 

पुस २०, २०७३- हरिया दुईवटा त्रिपालमुनि सातवटा बेन्च । भुइँमा खम्बा गाडेर बनाइएका डेस्क । न ब्ल्याकबोर्ड न चक–डस्टर । शिक्षकका लागि कुर्सीसम्म छैन । विद्यालय भनेर पत्याउनै सकिँदैन । तर, लेखपराजुल ३ स्थित जनज्योति निमावि अढाइ वर्षयता यस्तै हबिगत बेहोरिरहेको छ । सातवटा बेन्चमा आठ कक्षासम्मका विद्यार्थी राखेर पढाउनुपर्ने बाध्यता छ ।

२०७१ साउन २९ गतेको पहिरोले विद्यालय भवन बगाएपछि पठनपाठनमा समस्या भएको हो । भवन पुनर्निर्माणका लागि अहिलेसम्म योजना नै बनेको छैन । कक्षाकोठा अभावले विद्यार्थीको कन्तबिजोग छ । कक्षा ७ का सुमन राम्जाली बोर्डमा नलेखिँदा शिक्षकले पढाएको बुझ्न गाह्रो भएको दु:खेसो पोख्छन् । ‘अन्य विषयमा खासै समस्या हुँदैन । अंग्रेजी, गणित र विज्ञानमा सिक्न गाह्रो हुन्छ,’ उनले भने, ‘विद्यालय व्यवस्थापन समिति र शिक्षकले पहल गरेको भए समुदायले नै स्कुल बनाउन सक्थ्यो । हाम्रो पीडा कसैले बुझेन ।’ 

भवन नबनेकै कारण थुप्रै विद्यार्थी अन्यत्र गएको शिक्षक पूर्णबहादुर शाहीले बताए । ‘कक्षाकोठा नहुँदा विद्यार्थी अरू स्कुल सरिसके’ उनले भने, ‘पहिले २ सय २५ विद्यार्थी उपस्थित हुन्थे, अहिले ५० हाराहारीमा मात्रै आउँछन् ।’ उनका अनुसार कक्षा आठका एक, सातका तीन, छका चार, पाँचका छ, चारका १३, तीनका १०, दुईका ९ र एक कक्षाका १० विद्यार्थी मात्र नियमित आउँछन् । बाँकी विद्यार्थी लेखपराजुलकै काल्पानी, डुंगीखोला, भर्‍याङ र छिन्चुका स्कुलमा भर्ना भएका छन् । नजिकको विद्यालय नबनेपछि उनीहरू पढ्नकै लागि दिनहुँ एक घण्टा हिँड्न बाध्य छन् । 

जनज्योतिमा एक स्थायी र एक अस्थायी दरबन्दीका शिक्षक छन् । निजी स्रोतबाट चार जना राखिएको छ । ‘विद्यार्थीलाई ओत लगाउन गतिलो पालसमेत पाइएन,’ व्यवस्थापन समिति अध्यक्ष गंगबहादुर राम्जाली मगरले भने, ‘शिक्षा कार्यालयले दिनलाई दियो तर एक बर्खा पनि टिकेन । त्यही पनि खुइलियो ।’ कक्षा एकदेखि आठसम्मका विद्यार्थी छ्यासमिस बस्नुपर्ने अवस्था छ । प्रधानाध्यापक खड्गबहादुर खड्काले विद्यार्थीको पठनपाठन प्रभावित नहोस् भनेर खुला चौरमै राखेर भएपनि नियमित स्कुल सञ्चालन गर्ने गरेको बताए । उनले भने, ‘कसैलाई लेख्न, कसलाई पढ्न लगाउँछौं । सबै शिक्षक भए वरपरका डाँडामा लगेर सिकाउँछौं ।’ 

अरू स्कुलमा पढ्न गएका कतिपय विद्यार्थी परीक्षा दिन भने जनज्योतिमै आइपुग्छन् । त्रैमासिक, अर्धवार्षिक परीक्षामा छिन्चु गएका बाहेक सबै विद्यार्थी सामेल भएको प्रधानाध्यापक खड्काले जानकारी दिए । ‘भवन निर्माण भएपछि विद्यार्थी फर्किने आशामा छौं,’ उनले भने । जिल्ला शिक्षा कार्यालयको सहयोगमा ३२ लाखको लागतमा चारकोठे पक्की भवन बन्दै छ । चार लाखमा शौचालय । त्यो भवन बनिसक्दा पनि सबै कक्षालाई पुग्ने गरी छुट्टाछुट्टै कोठा भने पुग्दैनन् । विद्यालयका अनुसार थप पाँच कोठा आवश्यक पर्नेछ । 

रामेछापको गौस्वारा खारपानी माविका विद्यार्थी पनि लामो समयदेखि यस्तै सकसमा छन् । बाँसले घेरेर बनाइएका कक्षाकोठा अधिकांश भत्किसकेका छन् । बाँकी रहेका थोरै कोठा पनि जाडो थेग्न सकिने खालका छैनन् । कापकापबाट पस्ने सिरेटोले विद्यार्थीलाई हैरानी खेलाउँछ । सबै जना एकै ठाउँ कोचिएर बसेका छन् भूकम्पले भत्किएको भवन पुनर्निर्माण नगरिँदा एकदेखि पाँच कक्षासम्मका विद्यार्थी एउटै कोठामा पढिरहेका छन् । 

‘विद्यालय भवन भूकम्पले भत्कायो, त्यसपछि सरकारले बनाइदिएको अस्थायी अध्ययन केन्द्र पानीले कुहिएर गयो,’ प्रधानाध्यापक उद्धव थापा भन्छन्, ‘आजभोलि कोठा नभएर कक्षा १ देखि ५ सम्मका ३८ विद्यार्थी एकै ठाउँ राखेर पढाइरहेका छौं ।’ अहिले पूरै विद्यालय जम्मा ६ वटा कोठामा चलिरहेको छ । ती कोठामा २ सय १० विद्यार्थी अटाएका छन् । तर, जीर्ण भइसकेका ती कोठामा जाडोले कामिरहेका हुन्छन् उनीहरू । प्रधानाध्यापक थापा भन्छन्, ‘चिसो बेस्सरी छ, सुइटर लगाएर आउनु भनेका छौं तर पनि धेरैको आङमा तातो लुगा हुँदैन । क्षतिग्रस्त भवन कहिले बन्ने टुंगो छैन ।’ 

खारपानीको मात्र समस्या होइन यो । भूकम्पले भवन भत्किएका सबैजसो विद्यालय समान पीडामा छन् । अघिल्लो वर्षको हिउँदमा कष्टपूर्वक पढेका विद्यार्थी यसपालि पनि त्यही अवस्था भोग्न बाध्य भइरहेका छन् । प्राय सबै विद्यालयमा अस्थायी अध्ययन केन्द्र बनाइएका थिए । ती सबै बाँसले वेरीएकाले अधिकांश नास भएर गए । बाँकी रहेका पनि अध्ययनका लागि उपयुक्त छैनन् । ‘जाडोमा बसिसक्नु हुँदैन, गर्मीमा हावा र धुलोले हैरान पार्छ, पानीको बाछिटा पसेर भिजाउँछ,’ कुभुकास्थलीको भगवती निमाविका प्रअ भरतवहादुर वस्नेतले भने । भगवती निमाविमा एउटै अस्थायी केन्द्रमा ४ वटा ससाना कोठा बनाइएको छ । भएजति विद्यार्थी त्यहीँ कोचिएका छन् । बाहिरको चिसो हावा भित्रै आइपुग्छ, माथिबाट शीत चुहिन्छ । त्यहाँ पनि कक्षा २ र ३ का विद्यार्थी एउटै कोठामा राखिएको छ । 

उक्त निमाविका लागि जर्मन सहयोगमा फाड्स नेपालले चारकोठे भवन बनाउन कागजी प्रक्रिया अघि बढाएको थियो तर काम अझै सुरु भएको छैन । सरासर काम हुँदा पनि भवन बन्न कम्तीमा एक वर्ष लाग्ने विद्यालयले जनाएको छ । भूकम्पले जिल्लाका ४ सयभन्दा बढी विद्यालयमा क्षति पुगेको छ । सरकारले जिल्ला शिक्षा कार्यालयमार्फत विद्यालय भवन बनाउने योजना अघि सारेको छ तर काम असाध्यै सुस्त छ । केही विद्यालय पुनर्निर्माणका लागि बल्ल बोलपत्र आहान गरिएको छ । यही गतिले जाँदा सबै विद्यालय भवन पुननिर्माण सक्न दशक लाग्ने देखिन्छ । 

केही विद्यालय भने विभिन्न संघसंस्थाको सहयोगमा निर्माण भएका छन् । सेमी पर्मानेन्ट भवन बनेकाले त्यहाँ पठनपाठन केही सहज छ । यस्ता विद्यालयको संख्या जिल्लाभर ५० हाराहारी मात्र छ ।

विद्यार्थी फर्किए 
रुकुम– जनज्योति आधारभूत विद्यालय मुरु ३ सल्लेरीडाँडामा विद्यार्थी बढेका छन् । मंसिर ३० गतेसम्म ३ जना मात्रै विद्यार्थी रहेको उक्त विद्यालयमा मंगलबारसम्म ३४ जना विद्यार्थी पुगेका छन् । गत मंसिर ३० गते कान्तिपुर दैनिकमा समाचार प्रकाशन भएपछि शिक्षकले पठनपाठन व्यवस्थित बनाउने भन्दै अभिभावक भेला बोलाएका थिए । भेलामा विद्यालयका तर्फबाट पठनपाठन व्यवस्थित बनाउने प्रतिबद्धता भएसँगै अभिभावक छोराछोरीलाई जनज्योति फर्काउन तयार भएका हुन् । 

बाल शिक्षादेखि ५ कक्षासम्म सञ्चालित उक्त विद्यालयको कक्षा ५ मा मात्रै ३ जना विद्यार्थी थिए । अहिले सबै कक्षामा विद्यार्थी भर्ना भएका छन् । प्रध्यानाध्यापक भीमबहादुर पुनले मंगलबारदेखि अर्धवार्षिक परीक्षा सुरु भएको जानकारी दिए । उनका अनुसार बालशिक्षामा ११ जना, १ कक्षामा ५ जना, २ मा ५ जना, ३ मा ५ जना, ४ मा २ जना र कक्षा ५ मा ५ जना विद्यार्थी परीक्षामा समावेश भए । यसअघि पठनपाठन गरेको विद्यालयसँग समन्वय गरेर विद्यार्थीको मूल्यांकन गरिने विद्यालयले जनाएको छ । 

‘समाचारले सबैका आँखा खोलिदियो,’ प्रअ पुनले भने, ‘यस क्षेत्रका सबै अभिभावकले टाढा पठाएका विद्यार्थी अहिले यहीँ पठाउन थाल्नुभएको छ ।’ पठनपाठनमा लापरबाही गरेको भन्दै त्यस क्षेत्रका अभिभावकले आफ्ना छोराछोरी निजी तथा टाढाका सामुदायिक विद्यालयमा पठाएका थिए । 

http://kantipur.ekantipur.com/news/2017-01-04/20170104081708.html

टेलिकमको ‘फोरजी’ सेवा आजबाट सञ्चालनमा आयो

738 SHARES

काठमाडौँ, १७ पुस, नेपाल टेलिकमले आजदेखि चौथो पुस्ताको मोबाइल सेवा फोरजी सञ्चालनमा ल्याएको छ । विगत १८ वर्षदेखि जिएसएम सेवा उपलब्ध गराउँदै आएको टेलिकमले जिएसएम प्रविधिमा भएको नवीनतम् उपलब्धिलाई अवलम्बन गर्दै ‘लङ टर्म इभोलुसन’९एलटिई० सेवाका रूपमा फोरजी सेवा आजदेखि सञ्चालनमा ल्याएको हो ।

सेवाग्राहीको चाहना र आवश्यकतालाई प्राथमिकतामा राखी सञ्चार क्षेत्रमा विकसित प्रविधिलाई यथाशीघ्र अवलम्बन गर्ने प्रयास स्वरूप प्रारम्भिक चरणमा काठमाडौँ उपत्यका र पोखरामा यो सेवा सुरू गरिएको हो । फोरजी सेवाको माग र सेवाग्राहीबाट व्यक्त चाहना अनुरूप अन्य क्षेत्रमा समेत क्रमिक रूपमा विस्तार गर्ने टेलिकमको योजना रहेको छ ।

एलटिई प्रविधिमा आधारित चौथो पुस्ताको मोबाइल इन्टरनेट सेवा फोरजी हो । यो प्रविधिमार्फत उच्च गतिको इन्टरनेट प्राप्त हुने हुँदा उच्च गुणस्तरीय श्रव्य–दृश्य सामग्रीलगायत बढी ब्यान्डविथ आवश्यक हुने इन्टरनेट सामग्री सजिलै डाउनलोड तथा अपलोड गर्न सकिनेछ ।

सूचना तथा सञ्चारमन्त्री सुरेन्द्रकुमार कार्कीले यहाँ आज आयोजित कार्यक्रममा फोरजी सेवाको प्रारम्भ गर्दै अन्य देशको तुलनामा नेपाल अहिले पनि सूचना प्रविधिमा कमजोर रहेको अवस्थामा फोरजी सञ्चालनमा ल्याउनु आफैँमा सकारात्मक भएको बताए ।

सो अवसरमा उनले मन्त्रालयअन्तर्गत रहेको हुलाक सेवालाई गाउँगाउँमा सूचना दिने माध्यमका रूपमा विकास गर्ने तयारी भइरहेको समेत जानकारी दिए । ‘नेपालको आकाशमा नेपालको आफ्नै भूउपग्रह (स्याटलाइट), नेपालको धर्तीमा नेपाली झन्डा अभियान’अन्तर्गत सरकारले अन्तरीक्षमा नेपालको आफ्नै स्याटलाइट राख्ने तयारी गरिरहेको मन्त्री कार्कीको भनाइ छ ।

मन्त्रालयका सचिव तथा नेपाल टेलिकम सञ्चालक समितिका अध्यक्ष महेन्द्रमान गुरूङले सूचना र प्रविधिमा आएको परिवर्तनलाई अङ्गीकार गर्दै फोरजी सञ्चालनमा ल्याइएको बताए ।

टेलिकमका प्रबन्ध निर्देशक कामिनी राजभण्डारीले फोरजी सेवा सञ्चालनपश्चात कम्पनीको बजार हिस्सा र राजस्वमा उल्लेख्य रुपमा वृद्धि हुने विश्वास व्यक्त गरिन् ।

‘स्टार ४४४ ह्याच’ डायल गरी फोरजी सेवा चालु गर्न सकिने

फोरजी सेवा प्रयोग गर्न आफ्नो मोबाइल फोनमा फोरजी चल्ने र सोही अनुरुपको सीम कार्ड हुनुपर्दछ । आफूले प्रयोग गरिरहेको सीमबाट फोरजी सेवा सुरु गर्न ‘स्टार ४४४ ह्याच’ डायल गरी प्राप्त निर्देशनअनुरूप सीम परीक्षण गर्न तथा फोरजी सेवा सूचारू गर्न सकिनेछ । हाललाई यो सेवा जिएसएम पोस्टपेड मोबाइलमा मात्र उपलब्ध हुनेछ ।

फोरजी सेवा काठमाडौँ उपत्यकामा दूरसञ्चार कार्यालयहरू – चाबहिल, हात्तीगौँडा, गोङ्गबु, सुन्धारा, छाउनी, बबरमहल, जावलाखेल, साझा भवन, ठिमी र भक्तपुर तथा पोखरामा दूरसञ्चार कार्यालय महेन्द्रपुलबाट नियमित प्रक्रियामार्फत फोरजी चल्ने सीम (यू–सीम) प्राप्त गर्न सकिने टेलिकमका वायरलेस सेवाका निर्देशक अशोक थापाले जानकारी दिए । फोरजी सेवालाई थ्रीजी र टुजी सेवाको दरमा नै उपलब्ध गराइनेछ ।

सो अवसरमा नेपाल दूरसञ्चार प्राधिकरणका अध्यक्ष दीगम्बर झाले विश्वका अन्य मुलुकमा पहिले नै सञ्चालनमा ल्याइएको फोरजी सेवालाई नेपालले ढिलै भए पनि सञ्चालनमा ल्याउनु सकारात्मक भएको बताए ।

- See more at: http://aajakokhabar.com/news-details/1787/2017-01-01#sthash.ER1NxYnc.dpuf